Ushtria japoneze po teston shërbimin e internetit satelitor, Starlink të Elon Muskut, me synimin për të adaptuar teknologjinë vitin e ardhshëm fiskal, raportoi të dielën gazeta “Yomiuri”, duke cituar burime të paidentifikuara qeveritare, transmetoi Reuters.
Vendet në mbarë botën po kërkojnë të ndërtojnë qëndrueshmëri ndaj rrezikut të bllokimit të komunikimeve ose sulmeve ndaj satelitëve në rast konflikti.
Forcat e Vetëmbrojtjes së Japonisë kanë testuar Starlinkun që nga marsi me sistemin e vendosur në rreth 10 vende dhe në trajnime.
Teknologjia Starlink po vendoset nga Ukraina në fushën e betejës dhe Rusia po përpiqet të bllokojë përdorimin e saj në rajon.
Musku ka thënë në tetor se SpaceX nuk mund të përballonte financimin e pacaktuar të përdorimit të Starlinkut në Ukrainë.
Departamenti i Mbrojtjes i Shteteve të Bashkuara ka thënë këtë muaj se ka kontraktuar për të ofruar shërbime Starlink në këtë vend.