Kompania analitike Canalys e ka publikuar raportin mbi gjendjen e përgjithshme në tregun e telefonave për tremujorin e tretë të vitit 2019, i cili përfundoi më 30 tetor.
Raporti zbulon se livrimi global i telefonave ka shënuar rritje prej 1% në nivel vjetor. Edhe pse kjo mund të mos duket shumë, është në fakt hera e parë që është realizuar rritje e livrimeve në dy vitet e fundit, pasi që tregu shënon rënie konstante që nga tremujori i katërt i vitit 2017, raporton Neowin.
Kontributin kryesor në këtë rritje të tregut të telefonave e ka dhënë kompania Huawei, e cila i ka liferuar 66.8 milionë pajisje gjatë kësaj periudhe, me një rritje prej 29 përqind në krahasim me vitin paraprak, shkruan KOHA Ditore. Samsungu gjithashtu e ka shënuar një rritje prej 11% në nivel vjetor, duke i liferuar 78.9 milionë telefona. Kompania e Koresë së Jugut e ka mbajtur pozicionin e parë për nga liferimet, përpara Huawei dhe Apple, të cilat e shënuan një rënie prej shtatë për qind.
Në mesin e pesë brendeve të para për nga livrimet, janë Xiaomi (me një rënie prej 3%) dhe Oppo, e cila e ka realizuar një rritje prej shtatë për qind në nivel vjetor.
-
Apple e kalon për pak Samsungun në shitjet e telefonave
-
Krizë e madhe në tregun e telefonave
-
Tregu po ndryshon, klientët kërkojnë telefona më të lirë
-
IDC: Apple humbet ndërsa Huawei rrëmben pjesën më të madhe të tregut në rajonin EMEA
-
Canalys: Livrimi global i telefonave do të shënojë rënie prej 3.1% gjatë vitit