Rusia kërcënon Youtuben me bllokim

Rusia bëri një hap përpara kufizimeve në internet të stilit kinez, me një kërcënim për të bllokuar kanalin e mediave sociale YouTube.

Ky veprim erdhi në përgjigje të vendimit të gjigantit të teknologjisë për të ndaluar dy kanale në gjuhën gjermane që i përkisnin rrjetit RT të financuar nga Kremlini, por ai pasoi një fushatë të rritjes së presionit mbi platformën.

Në një deklaratë, mbikëqyrësi i mediave ruse Roskomnadzor ka thënë se vendimi i YouTubes për të hequr kanalet RT DE dhe Der Fehlende Part shkelte "të drejtat themelore të lirisë dhe qasjes në informacion". Ajo kërkoi që kompania mëmë e platformës pritëse, Google/Alphabet, të rivendoste të dy kanalet "në kohë të shpejtë", ose do të përballej me pasojat.

"Nëse paralajmërimi nuk merret parasysh... legjislacioni parashikon masa të kufizimit të plotë ose të pjesshëm të qasjes", lexohet në ultimatum.

Vendimi i YouTubes për të bllokuar kanalet RT në Gjermani ndodhi mbi atë që e përshkroi si "shkelje të politikave të dezinformimit Covid-19". Lëvizja ishte fillimi i një lufte mediatike të shpallur nga qeveria gjermane ndaj Rusisë.