Kompania e njohur kineze, OnePlus, ka konfirmuar përmes forumit të saj se smartfoni më i ri i saj OnePlus 6 do të vijë në version me 256 GB të memories së brendshme.
Gjithashtu, kompania ka konfirmuar edhe se OnePlus 6 do të vijë me 8 GB RAM memorie dhe me procesor të teknologjisë së fundit të Qualcommit – Snapdragon 845, transmeton Koha.net.
OnePlus 6 do të jetë një smartfon shumë i shpejtë, kështu ka bërë të ditur kompania gjatë kësaj jave përmes postimit të një videoje në Twitter ku edhe ka konfirmuar emrin e këtij modeli.
Smartfoni më i shpejtë i OnePlusit pritet të lansohet gjatë tremujorit të dytë të këtij viti.
