Ministri irlandez i Financave tha se kërkesa e Komisionit Evropian për grumbullimin e 13 miliardë dollarëve taksa të papaguara nga Apple është një absurditet, shprehet ai për gazetën gjermane Frankfuerter Allgemeine.
Komisioni Evropian urdhëroi Apple të ripaguante taksat Irlandës pasi arriti në konkluzionin e gjiganti amerikan kishte paguar shuma minimale këtij vendi.
Gjatë intervistës, Paschal Donohoe tha se rregullorja e taksave kishte qenë në fuqi për të gjithë dhe jo vetëm për Apple. Ata nuk kanë shkelur ligjet Evropiane apo irlandeze, vijoi ai.
Sipas Donohoe nuk është detyra e Dublinit zyrtar për të grumbulluar taksat e papaguara të Apple sipas Komisionit Evropian dhe kërkesa ishte e papranueshme, raporton PcWorld.al.
“Ne nuk jemi një grumbullues global taksash,” shprehet ai.
Donohoe gjithashtu u distancua nga qëndrimet e homologëve Francezë dhe Gjermanë për të bllokuar blerjen e kompanive Evropiane nga investitorë kinezë. Sipas tij kjo do të cenonte reputacionin e një shoqërie të hapur Evropiane
