Kreu i qeverisë rajonale të Katalonjës po akuzon agjencinë e inteligjencës spanjolle për kryerjen e asaj që ai e quan "spiunazh masiv politik" dhe thotë se marrëdhëniet me autoritetet kombëtare të Spanjës kanë ngecur si pasojë e kësaj, raportoi AP të premten.
Pere Aragonès ndau shembuj të teknikave të përdorura për të depërtuar në telefonat e dhjetëra zyrtarëve katalanas, aktivistëve, avokatëve dhe të tjerëve që ai tha se çuan pa mëdyshje në Qendrën Kombëtare të Inteligjencës të Spanjës, e njohur si CNI në spanjisht.
Programi i quajtur Pegasus depërton në telefona për të mbledhur të dhënat e tyre dhe potencialisht i kthen ato në pajisje spiunimi për pronarët e tyre. Për instalimin e tij, përdoruesi zakonisht duhet të ndjekë një lidhje brenda një mesazhi të synuar, megjithëse një klikim nuk kërkohet në të gjitha versionet.
"Ne jemi të sigurt se është CNI. Është një spiunazh masiv politik që nga pikëpamja jonë ka një motiv politik", tha Aragonès.
-
Spanja shkarkon shefen e Inteligjencës për shkak të hakimit të telefonave të politikanëve
-
Telefonat e kryeministrit dhe ministres së Mbrojtjes të Spanjës u spiunuan
-
Agjencia kibernetike e BE-së thotë se softueri i aeroporteve po mbahet peng nga kriminelët
-
Skandali i ri godet partinë në pushtet në Spanjë
-
Spanja e Portugalia në kaos nga ndërprerja e energjisë elektrike