Teleskopi hapësinor më i madh dhe më i fuqishëm në botë, ka zbuluar pamje të mahnitshme të Jupiterit.
Teleskopi James Webb bëri fotografitë e planetit më të madh të sistemit diellor në korrik.
Imazhet tregojnë, aurorat, stuhitë gjigante, hënat dhe unazat që rrethojnë Jupiterin, derisa astronomët këto pamje i kanë quajtur të pabesueshme.
Fotografitë infra të kuqe u ngjyrosen artificialisht për t’i bërë veçoritë të dalloheshin.
Kjo është për shkak se drita infra e kuqe është e padukshme për syrin e njeriut, shkruan BBC-ja të martën.
“Nuk e kemi parë kurrë Jupiterin si këto pamje që na ofrohen tash. Është e pabesueshme”, tha astronomia planetar Imke de Pater nga Universiteti i Kalifornisë, i cili luajti një rol kyç në projekt.
“Ne nuk e kishim pritur më të vërtetë që të ishte kaq mirë”, shtoi ajo.
Edhe
Astronautja e NASA-s kap Dritat Veriore nga hapësira
James Webb prej 10 miliardë dollarësh është një mision ndërkombëtar i udhëhequr nga agjencia hapësinore amerikane Nasa me partnerët e saj nga Agjencia evropiane e Hapësirës dhe Agjencia kanadeze e Hapësirës.
NASA tha se në pamjen e pavarur të Jupiterit, të krijuar nga një përbërje e disa imazheve nga teleskopi, aurorat shtriheshin në lartësi të mëdha mbi polit verior dhe jugor të Jupiterit. Aurorat janë shfaqje drite në qiell të shkaktuara nga Dielli.
Ndërkohë, Njolla e Madhe e Kuqe, një stuhi e famshme aq e madhe sa mund të gëlltiste Tokën, u shfaq e bardhë. Kjo ndodhi sepse reflektonte shumë dritë dielli.
