Teleskopi i fuqishëm hapësinor i agjencisë amerikane NASA, James Webb, fotografoi në detaje fazat e fundit të jetës së një ylli që po vdiste.
Fotot tregojnë një strukturë në formë ‘donuti’ që në fakt është gaz i ndezur i njohur si “Mjegullnaja e Unazës”. E vendosur 2.600 vite dritë nga Toka, mjegullnaja është rezultat i një ylli që po vdiste duke derdhur shtresat e tij të jashtme në hapësirë. Shkencëtarët besojnë se fotot mund të ofrojnë pasqyrë kyçe në ciklin jetësor të yjeve.
Së bashku me detajet e ndërlikuara, fotot zbulojnë brendësinë e yjeve “me qartësi të jashtëzakonshme”, ka thënë Mike Barlow, një nga drejtuesit e ekipit të astronomëve që publikuan fotot.
“Ne jemi dëshmitarë të kapitujve të fundit të jetës së një ylli, një paraqitje e shkurtër në të ardhmen e largët të Diellit. Vëzhgimet e teleskopit James Webb kanë hapur një dritare të re për të kuptuar këto ngjarje frymëzuese kozmike. Ne mund të përdorim Mjegullnajën e Unazës si laboratorin tonë për të studiuar se sa planetare mjegullnajat formohen dhe zhvillohen”, ka thënë Barlow.
{gallery}