Kompania amerikane Google ka marrë vendim t’i ndryshojë masat anti-COVID brenda stafit. Më nuk do të kërkohet vaksina si dëshmi ndërsa punëtorët e vaksinuar nuk do ta kenë obligative mbajtjen e maskës, të testohen apo të mbajnë distancën fizike.
Kështu u bë e ditur nga kompania, derisa thuhet se punëtorët e pavaksinuar, duhet t’i respektojnë në përpikëri masat e kaluara. Muaj më parë, Google i kishte paralajmëruar punëtorët se nëse nuk vaksinohen, do ta humbnin vendin e punës.
Masat brenda stafit i ka ndërruar edhe kompania Amazon, duke mundësuar mosmbajtjen e maskës nga personat e vaksinuar.
Në tërë SHBA-në, deri më tani janë regjistruar afro 940 mijë viktima nga koronavirusi e mbi 78 milionë të infektuar.
Artikuj të ngjashëm
-
Amazoni shkurton 16.000 vende pune
-
Pas 20 vjetësh, Gmaili më në fund sjell funksionin që të gjithë e prisnin
-
FDA-ja synon të vendosë paralajmërimin më serioz te vaksinat kundër Covid-it
-
Përdoruesit kërkojnë 2.36 miliardë dollarë nga Google pas vendimit për shkelje të privatësisë
-
Tarifat e reja të Trumpit “mund t’u mbijetojnë” gjykatave