Kur Rusia nisi pushtimin javën e kaluar, disa nga përdoruesit e rinj të mediave sociale e përjetuan konfliktin nga linjat e para, përmes TikTokut.
Videot e njerëzve duke u fshehur e duke qarë në bazat ku fshiheshin nga bombardimet, shpërthimet në qytete, alarmet për shpërthime gjithandej Ukrainës u shpërndanë në këtë aplikacion i cili zakonisht ofron më shumë modë, fitnes dhe video duke vallëzuar.
Blogerët e mediave sociale kanë publikuar video të tyret duke u fshehur në bunkerë, pamje të tankave, vendeve të shkatërruara. Ata kanë kërkuar nga ndjekësit të luten për Ukrainën, të dhurojnë donacione për ushtrinë e Ukrainës dhe duke i këshilluar përdoruesit rus të protestojnë kundër protestave.
Pushtimi rus i Ukrainës, të cilin ajo e ka quajtur një "operacion special", është shembulli më i fundit i rolit qendror që ka luajtur TikTok në sjelljen e lajmeve dhe ngjarjeve aktuale për audiencën e madhe të aplikacionit Gen Z. Algoritmi i tij i famshëm është i njohur për shërbimin e përmbajtjeve në trend edhe nëse përdoruesit nuk ndjekin njerëz të caktuar, duke lejuar që temat të bëhen shpejt virale mes 1 miliard përdoruesve të tij mujorë.
