Kompania AMD tani ka konfirmuar zyrtarisht që do të prezentojë produktet e veta 7-nanometërshe gjatë ngjarjes Computex 2019, dhe këtu përfshihet edhe gjenerata e re e procesorëve Zen 2 dhe GPU-ve Navi, përcjell TweakTown.
Pikërisht komunikata e Computex Taipei 2019 thekson që AMD do të mbajë fjalimin kyç me titullin “The Next Generation of High-Performance Computing”, gjatë Computexit më 27 maj të vitit 2019. Kompania thekson që do të publikojë detajet për CPU-të e reja 7-nanometërshe AMD EPYC “Rome”, modelet e reja të CPU-ve Ryzen të gjeneratës së tretë që do të bazohen në arkitekturën e re Zen 2 si dhe kartelat grafike të bazuara në gjeneratën e ardhshme të arkitekturës Navi, shkruan KOHA Ditore.
Kompania thekson që produktet e reja do të dizajnohen për të krijuar përvojë të jashtëzaonshme për gamerët dhe krijuesit si dhe për të ndihmuar në zgjidhjen e disa prej sfidave më të mëdha në jetët tona.
AMD CEO, Lisa Su, për këto risi do të flasë më 27 maj gjatë Computex Taipei 2019 në Tajvan.