Ndeshja e basketbollit 3x3 mes Kosovës dhe Serbisë e paraparë të zhvillohet të shtunën është anuluar, për shkak të tërheqjes së Serbisë nga gara.
Lajmin e ka bërë të ditur të premten Federata e Basketbollit të Kosovës.
Përfaqësuesja e Kosovës në basketbollin 3x3, në konkurrencën e meshkujve, do ta nisë garën në Lojërat Mesdhetare “Taranto 2026” të shtunën ndaj Portugalisë.
Në Grupin C tashmë janë Kosova, Portugalia dhe Turqia. Dy skuadrat e para nga Grupi C do të kualifikohen në çerekfinale.
Ndërsa të dielën, Kosova do të luajë ndaj Turqisë.
