Skitarja që përfaqëson Shqipërinë, Lara Colturi, ka mbetur pa medalje në Lojërat Olimpike Dimërore “Milano Cortina 2026”.
Colturi, që është italiane, garoi të mërkurën në sllallom.
Koha e përgjithshme e Lara Colturit ishte 1 minutë, 41 sekonda e 78 të qindtat. Përfundoi e 10-ta.
Në disiplinën e sllallomit triumfoi amerikania Mikaela Shiffrin, që pati kohë prej 1 minutë, 39 sekonda e 10 të qindtat pas dy lëshimeve. Me medalje të argjendtë u stolis zvicerania Camille Rast. Skitarja suedeze, Anna Larson Sëenn, përfundoi e treta dhe e fitoi medaljen e bronztë.
Shqipërinë ne disiplinën e sllallomit e përfaqësuan edhe Semire Dauti dhe Lisa Brunga. Dauti doli nga shtegu, kurse Brunga u diskualifikua.
Edhe
Colturi e kënaqur me garën e parë në Olimpiadë
Colturi garoi edhe në sllallom të madh, por pa arritur suksesin e synuar. Përfundoi e 16-ta.
Te skitarët, Denni Xhepa garoi në sllallom të madh, sllallom dhe Super-G, por pa ndonjë sukses.
