Mesfushori Piotr Zielinski nuk do të largohet nga Napoli, pasi së shpejti do të firmosë kontratë të re me kampionin e Italisë. “Football-Italia” ka njoftuar të martën se marrëveshja mes palëve tashmë është arritur dhe gjithçka do të bëhet zyrtare gjatë ditëve në vijim.
Me kontratën e re, 29-vjeçari do të jetë pjesë e Napolit deri në vitin 2026, ndërsa kontrata aktuale i skadon vitin e ardhshëm.
Vetëm për ta firmosur kontratën e re, Zielinski ka pranuar edhe uljen e pagës prej 4.5 në 2.5 milionë eurosh në vit, pasi dëshiron që ta mbyllë karrierën te Napoli.
Ai është pjesë e Napolit prej vitit 2016, ndërsa edicionin e shkuar e ndihmoi klubin ta fitojë titullin e kampionit pas më shumë se një dekade.
Artikuj të ngjashëm