Thilo Kehrer pritet të largohet nga PSG-ja gjatë kësaj vere.
Për shërbimet e futbollistit gjerman kanë shprehur interesim, West Hami dhe Sevilla.
Mediat në Angli shkruajnë se West Hami po vazhdon negociatat me PSG-në. Oferta e parë prej 10 milionë eurosh është refuzuar nga klubi francez.
PSG-ja po kërkon 16 milionë euro për Kehrerin. Këtë shifër nuk është e gatshme ta paguajë Sevilla.
25-vjeçari luan në të gjitha pozitat e mbrojtjes. Pjesë e PSG-së është që nga viti 2018 kur ishte transferuar nga Schalke për 37 milionë euro.
