Skitari Klos Vokshi nuk ka arritur që ta përfundojë garën në Festivalin Olimpik Dimëror Evropian për të Rinj (EYOF), që po mbahet në Itali.
Vokshi të premten ishte skitari i fundit që përfaqësoi Kosovën në këtë ngjarje dimërore, por nuk ka arritur që ta përfundojë garën. Ai doli nga shtegu.
“Klosi ishte i pafat në lëshimin e dytë pasi doli nga shtegu, ndërsa në lëshimin e parë zuri vendin e 60-të prej 100 garuesve”, shkruan në njoftimin e Komitetit Olimpik të Kosovës.
Kosovën në këto Lojëra e kanë përfaqësuar edhe Lirika Deva dhe Enxhi Sefaj.
Deva e Sefaj dolën nga shtegu në sllallom, kurse në sllallom të madh zunë vendet 40 dhe 51.
