Veton Berisha ka vazhduar me paraqitje të mira në elitën e futbollit të Norvegjisë. Berisha asistoi në fitoren e Vikingut në shtëpi përballë Bodo/Glimtit me rezultatin 2:0.
Kapiteni Berisha asistoi në golin e parë të shënuar në minutën e 26-të, ndërsa luajti deri në fund të takimit të javës së katërt të kampionatit norvegjez. Për sulmuesin kosovar është asistimi i tretë në katër ndeshje.
Ndërkohë në barazimin e Krisiansundit ndaj Ham-Kamit asistues në dy golat ishin futbollistët shqiptarë, Agon Muçolli dhe Liridon Kalludra.
Ndeshja përfundoi 2:2.
