Mesfushori i Manchester Unitedit, Donny van de Beek është huazuar te Eintracht Frankfurti deri në fund të stinorit. Lajmin e kanë bërë të ditur të dy skuadrat.
Klubi gjerman do ta ketë edhe opsionin për ta blerë 26-vjeçarin në fund të stinorit.
Van de Beek ka luajtur vetëm gjashtë ndeshje si titullar në Premier League që kur iu bashkua Unitedit nga Ajaxi në shtatorin e vitit 2020 për 35 milionë funte.
Eintracht Frankfurti ka paguar një shumë për huazimin si dhe do ta mbulojë shumicën e rrogës së holandezit.
Nëse dëshiron ta transferojë mesfushorin atëherë duhet të paguajë 11 milionë euro, si dhe 3 milionë euro shtesë bonuse.
Artikuj të ngjashëm