Eintracht Frankfurti pritet që së shpejti ta zyrtarizojë transferimin e parë të afatit kalimtar dimëror dhe ai do të jetë Donny van de Beek.
Kështu ka shkruar eksperti i transferimeve në futbollin evropian, Fabrizio Romano.
Ndërkohë, “Bild” të shtunën ka raportuar se 26-vjeçari pritet t’i kryejë testet mjekësore në javën e ardhshme.
Van de Beek ishte pjesë e Ajaxit në edicionin 2018/19, që shkoi deri në gjysmëfinale të Ligës së Kampionëve.
Më pas ai u transferua te Manchester Unitedi, por asnjëherë nuk e siguroi vendin e titullarit. Ka zhvilluar vetëm 62 paraqitje në tre vjet me fanellën e “djajve të kuq”.
