Skuadra e Valencias duket se ka parakaluar Arsenalin në garën për shërbimet e mesfushorit të Juventusit, Arthur Melo.
“Tuttomercatweb” ka raportuar të mërkurën se Valencia ka bërë ofertë konkrete për mesfushorin brazilian që do të largohet nga Juventusi këtë verë.
25-vjeçari po shihet si përforcim i duhur te Valencia për sezonin e ri, pasi pëlqehet nga trajneri i ekipit nga La Liga, Gennaro Gattuso.
Valencia ka kërkuar huazimin njëvjeçar të Arthurit dhe ka ofruar të paguajë gjysmën e pagës së tij vjetore prej pesë milionë eurosh.
Po ashtu, Valencia ka kërkuar edhe opsionin e blerjes së kartonit të tij verën tjetër. Arthur ka kontratë me Juventusin deri në verën e vitit 2025.
Artikuj të ngjashëm