Manchester Unitedi po monitoron situatën e sulmuesit të krahut, italianit Nicolo Zaniolo te skuadra e Romës.
Mediumet italiane kanë raportuar të enjten se Zaniolo mund të largohet nga Roma këtë verë dhe interesim për transferimin e tij tashmë ka shprehur Unitedi.
Zaniolo këtë edicion ka pasur probleme të mëdha me lëndimet dhe nuk e ka luajtur asnjë ndeshje me Romën për shkak se i është nënshtruar dy herë operimit të gjunjëve.
Kjo situatë, ka bërë që Roma të mendoj shitjen e tij në verë dhe kartonin e Zaniolos po e vlerëson rreth 30 milionë euro.
Ekipi anglez është i gatshëm për të bërë një lëvizje për 21-vjeçarin, i cili ka kontratë me Romën deri në vitin 2024.
Zaniolo iu bashkua Romës nga Interi në vitin 2018.
