Manchester Unitedi do t’i ketë dy mungesa të rëndësishme në ndeshjen derbi të xhiros së 17-të të Premier Leagues kundër Liverpoolit.
Në këtë përballje që luhet të dielën në stadiumin “Anfield Road”, skuadra e Unitedit do të jetë pa Bruno Fernandesin dhe Harry Maguiren. Mungesën e këtyre dy futbollistëve, e ka konfirmuar edhe trajneri i Unitedit, Erik ten Hag të premten.
Fernandes është i suspenduar ndërsa Maguire nuk do të luajë për shkak të lëndimit.
Unitedi është i gjashtë në tabelë me 27 pikë, dhjetë më pak se Liverpooli që është lider.
