Manchester United ka hapur bisedimet me Barcelonën për Frenkie de Jongun, raporton gazetari italian Fabrizio Romano të enjten. Klubi anglez është i gatshëm t’i paguajë 85 milionë euro për holandezin.
De Jong nuk dëshiron të largohet nga Barcelona, por nëse një gjë e tillë ndodh, atëherë mesfushori dëshiron t’i bashkohet një klubi që luan në Ligën e Kampionëve. Unitedi nuk është në Ligën e Kampionëve sezonin e ardhshëm, por çështja financiare te Barcelona mund ta bëjë një shitje të panegociueshme.
25-vjeçari De Jong iu bashkua Barcelonës në verën e vitit 2019, ndërsa ka kontratë deri në qershor të vitit 2026.
Artikuj të ngjashëm