Manchester Unitedi edhe zyrtarisht ka shprehur interesim për transferimin e portierit të Juventusit, Wojciech Szczesny.
“Sky Sports” ka shkruar të premten se drejtuesit e ekipit anglez pritet së shpejti ta kontaktojnë Juventusin në lidhje me portierin polak.
Tek Unitedi po duan ta transferojnë 32-vjeçarin në verë dhe për kartonin e tij janë gati të ofrojnë deri në 20 milionë euro.
Szczesny tek Unitedi po shihet si zëvendësim ideal për spanjollin David De Gea, i cili ka refuzuar rinovimin e kontratës dhe pritet të largohet si lojtar i lirë në fund të sezonit.
Szczesny ka kontratë me Juventusin deri në vitin tjetër, ndërsa këtë sezon ka regjistruar 28 paraqitje në të gjitha garat.
Artikuj të ngjashëm