Për një moment u mendua se amerikani Noah Lyles ka vendosur rekord bote në 200 metra, duke vrapuar për 18.90 sekonda në Lojërat e Inspirimit, por u konfirmua se ai kishte vrapuar vetëm 185 metra, shkruan BBC.
Koha e Lylesit, po të ishte në 200 metra, do të kishte thyer bindshëm rekordin e botës prej 19.19 sekonda që e ka vendosur xhamajkani Usain Bolt në vitin 2019.
Duke e marrë parasysh se rekordi personal i Lylesit ishte 19.50 sekonda dhe ai po vraponte në një erë të fortë nga para, koha e tij menjëherë u sfidua.
Vetëm pesë minuta më vonë u mësua se kampioni i botës Lyles, që po vraponte i vetëm në Florida, ka startuar nga korsia e gabuar dhe ka vrapuar 15 metra më pak sesa rivalët në shtigjet tjera. Ai u diskualifikua.
“Nuk mund të luani me emocionet e mia kështu...”, ka shkruar Lyles 22-vjeçar në Twitter.
