Tician Tushi dhe Samir Ramizi ishin vendimtar te Winterthuri që të premten mbrëma triumfoi me rezultatin e pastër 3:0, në udhëtim tek Aarau.
Ishte ndeshje direkte për vendin e parë në “Challenge League”, që është rangu i dytë i futbollit zviceran.
Tushi shënoi gol në minutën e 39-të, ndërsa Ramizi asistoi në golin e tretë të mysafirëve në minutën e 78-të.
Shumë shqiptarë ishin të pranishëm te të dyja skuadrat, por Winterthuri është lider i ri i ligës, pas xhiros së 29-të.
Winterthuri ka 52 pikë, dy më shumë se Aarau. Të dyja janë kandidate serioze për t’u inkuadruar në Superligën e Zvicrës në sezonin tjetër.
Artikuj të ngjashëm