Oliver Torres është pranë transferimit te Sevilla, raportoi “A Bola” të dielën.
Mesfushori 24-vjeçar i ishte bashkuar Portos nga Atletico Madridi në vitin 2017, pasi i kishte kaluar tre vjet i huazuar te skuadra portugeze. Porto e bleu atë për 20 milionë euro.
Mirëpo, Torres po mendon të kthehet në La Ligan spanjolle. Porto është e gatshme të shesë atë për 15 milionë euro, transmeton “Koha Ditore”.
Sevilla dëshiron që të bashkojë Torresin me ish-trajnerin e tij te Porto, Julen Lopeteguin. Ishte pikërisht Lopetegui që e kishte transferuar Oliver Torresin në Portugali.
