Sulmuesi i Manchester Cityt, Ferran Torres, do t’i kryejë testet mjekësore te skuadra e Barcelonës gjatë ditës së hënë.
21-vjeçari është pajtuar me kushtet që i ka ofruar klubi “blaugrana” dhe do të transferohet nga Anglia në Spanjë për marrëveshjen e 55 milionë eurove.
Ish-sulmuesi i Valencias ka qenë në radarin e skuadrës që udhëhiqet nga Xavi Hernandez tash e një kohë të gjatë.
Gazeta spanjolle “Sport” ka thënë se prezantimi do të bëhet të martën.
Torres në shtatë ndeshje në të gjitha garat me Manchester Cityn në edicionin aktual, ka shënuar tri gola e një asistim.
