Futbollisti i Genkut, mesfushori Bastien Toma, që në edicionin e kaluar ishte i huazuar te St. Galleni në Zvicër, është huazuar në Portugali.
Ai karrierën ka vendosur ta kalojë në kampionatin portugez, te skuadra Paços Ferreira.
23-vjeçari nuk luajti asnjë minutë nën drejtimin e trajnerit Wouter Vrancken te Genku në Belgjikë.
Në Portugali kalon si i huazuar sërish, pasi ka kontratë me klubin belg deri në vitin 2024.
Genkut i ishte bashkuar në vitin 2020 dhe që nga ajo kohë ka luajtur gjithsej 24 ndeshje.
Në marrëveshjen e Tomës është e përfshirë edhe e drejta e blerjes përfundimtare të futbollistit.
Në sezonin e kaluar në 29 ndeshje në të gjitha garat, Toma realizoi dy gola dhe pati dy asistime.
Toma është futbollist që ka kaluar nëpër të gjitha kategoritë e Përfaqësueses së Zvicrës, deri në U21.