Përfaqësuesja U16 e Kosovës në basketboll, ka shënuar tjetër fitore të thellë në Kampionatin Evropian, Divizioni C.
Në ndeshjen e nivelit të tretë kontinental për basketbollistët e rinj, Kosova U16 fitoi të premten ndaj Gjibraltarit të kësaj grupmoshe me rezultatin 123:56.
Dallimi u bë që në çerekun e parë.
“Dardanët” e rinj e fituan periudhën e parë me rezultatin 22:7.
Dominimin, basketbollistët kosovar e vazhduan edhe në çerekun e dytë të cilin e fituan 31:18.
Edhe
Kosova fiton 8:0, siguron plejofin dhe Ligën B
Çereku i tretë ishte me 12-të pikë dallim, 32:10 në të mirë të Kosovës, ndërsa periudhën e fundit, Kosova e fitoi me rezultatin 38:21, për t’iu gëzuar fitores me 67 pikë epërsi.
Lis Binishi ishte më i miri në parket.
Shkëlqeu me 43 pikë të shënuara, 13 kërcime e nëntë asistime.
Kontribut në fitore dha edhe Anes Krasniqi që pati 23 pikë e tri asistime.
Pikë dyshifrore patën edhe Sejar Rama dhe Enes Gashi, me nga 10-të secili.
Te Gjibraltari U16 më i dalluari ishte Pablo Postigo me 14 pikë, 11 kërcime e dy asistime.
Kosova dhe Andorra i prijnë Grupit A me dy fitore. Malta e Gjibraltari kanë nga dy disfata.
Edhe
Kosova fiton bindshëm ndaj Austrisë, avancon tutje
Kosova edhe në ndeshjen e parë kishte shënuar fitore bindëse ndaj Maltës me 50 pikë dallim, 103:53.
Ndeshjen e radhës, Kosova U16 e zhvillon kundër Andorrës të hënën, më 24 korrik.
