Aston Villa ka nisur përgatitjet për raundin e tretë të Kupës FA, por ato u ndalën në gjysmë për shkak të testeve pozitive me koronavirus.
Villa, që pritet të jetë nikoqire e Liverpoolit të premten në mbrëmje, e ka mbyllur qendrën stërvitore “Bodymoor Heath” pasi u raportua për një numër të madh të lojtarëve dhe anëtarëve të stafit, që janë infektuar me virus.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Aston Villa mund të konfirmojë se klubi i ka mbyllur dyert e qendrës stërvitore Bodymoor Heath pas një përhapje të madhe të koronavirusit. Një numër i madh i lojtarëve të ekipit të parë dhe stafit kanë dalë pozitivë në testet që i morën të hënën dhe menjëherë kanë hyrë në izolim. Raundi i dytë i testeve është bërë menjëherë dhe ka dhënë teste tjera pozitive të enjten. Stërvitja e ekipit të parë para duelit me Liverpoolin në Kupën FA është anuluar. Po vazhdojnë diskutimet mes përfaqësuesve mjekësor të klubit, Shoqatës së Futbollit dhe Premier Leagues”, thuhet në komunikatën e Aston Villas.
Takimi mes Southamptonit dhe Shrewsburyt është anuluar për shkak të përhapjes së koronavirusit tek ekipi që bën gara në League One.