Xavi Simons u transferua te Paris Saint-Germaini nga Barcelona në verën e vitit 2019.
Por, mediat spanjolle kanë shkruar të enjten se ai mund të rikthehet te skuadra nga Katalonja.
18-vjeçari është paraqitur vetëm shtatë herë me skuadrën e parë të PSG-së. Minutazha e vogël ka bërë që ai të mos flasë për vazhdimin e kontratës.
Për Simonsin do të ishte rikthim në Spanjë, te skuadra ku u rrit si futbollist, në akademinë e “La Masias”.
Megjithatë, “Le Parisien” ka raportuar se PSG-ja beson në talentin e tij dhe do të mundohet ta mbajë atë në ekip.
