Talenti amerikan i boksit Alexis Rocha ka shënuar një fitore impresive të shtunën mbrëma në “YouTube Theater” në Inglewood të SHBA-së.
Rocha nokautoi në raundin e shtatë ganezin George Ashie në luftën e vlefshme për titullin WBO NABO në kategorinë velter, duke bërë një hap të madh para drejt një lufte për titull.
25-vjeçari e rrëzoi Ashien dy herë, një herë në rundin e tretë dhe një herë në të shtatin.
Herën e dytë e rrëzoi me një të djathtë të fuqishme duke e lënë ganezin për disa çaste pa vetëdije.
Për amerikanin është fitorja e 22-të, e 14-ta me nokaut, karshi një humbje në boksin profesionist. Ashie ndërkohë ka pësuar humbjen e gjashtë karshi 33 fitoreve e një barazimi.
Edhe
Francezi Surace bën befasi të madhe, nokauton yllin meksikan Munguia
Rocha pas fitores ka kërkuar përballje me kampionin Terrence Crawford.
