Mesfushori Denis Suarez ka refuzuar kalimin te Valencia për t'iu bashkuar Celta Vigos, përcjellin mediumet spanjolle të premten.
Mësohet se Celta i ka ofruar Barcelonës dhjetë milionë euro për Suarezin, i cili ka pranuar kalimin në këtë ekip të La Ligad përpara Valencias.
Suarez pritet të firmosë kontratë katërvjeçare me Celtan dhe gjatë muajit të ardhshëm do të prezantohet.
Suarez edicionin e shkuar ishte i huazuar te Arsenali, por për shkak të telasheve me lëndimet nuk arriti të dëshmoj veten.
25-vjeçari, ka kontratë me Barcelonën deri në vitin 2021, por nuk bën pjesë në planet e klubit për të ardhmen.
Ai ka luajtur edhe te Villarreali e Sevilla si dhe ka një paraqitje me Përfaqësuesen e Spanjës.
