Stoke City është favorit për ta transferuar Bersant Celinën, kartonin e të cilit e ka Dijoni.
Celina me Dijonin ka kontratë deri në verën e vitit 2024.
Në sezonin e kaluar ishte i huazuar në rangun e tretë të futbollit anglez, te skuadra e Ipswichit. Ai realizoi gjashtë gola dhe pati gjashtë asistime në 35 ndeshje në të gjitha garat.
Lajmin për interesimin e Stoke Cityt për përfaqësuesin e Kosovës, Celinën, e ka bërë të ditur të mërkurën mediumi “TWTD”.
Stoke City bën gara në “Championship”, që është rangu i dytë i futbollit të Anglisë.
