Emisioni sportiv në Kohavision, “Sporti Total”, këtë javë do t‘i kushtohet Superligës së Kosovës në futboll.
Futbolli kosovar rikthehet sërish në aksion pas pushimit të ndeshjeve të përfaqësueseve. Emisioni i përjavshëm në KTV nis në orën 22:15.
Vëmendje e madhe do t‘i kushtohet edhe duelit derbi të Anamoravës ndërmjet Dritës dhe Gjilanit. Do të ketë edhe të ftuar në studio për t’i analizuar të gjitha ndeshjet e xhiros së gjashtë.
Në “Sporti Total” do të flitet po ashtu edhe për ndeshjen e fundit të Kosovës në Ligën e Kombeve të muajit tetor.
