Bylbyl Sokoli ia siguroi mbijetesën Malishevës, dhe për këtë ndihet krenar.
Trajneri Sokoli pas ndeshjes e shprehu një gjë të tillë, por ka dhënë sinjale se mund të mos vazhdojë te Malisheva edhe për sezonin tjetër.
Malisheva mposhti Dritën në udhëtim 1:0. E siguroi mbijetesën, por gjilanasve ua humbi shansin për titull kampioni.
“Një fitore e tillë ndaj një skuadre shumë të fortë siguron mbijetesën. Unë i kam besuar punës, i kam besuar këtyre djelmoshave. Unë kam shkuar kur ekipi ka përfunduar me përforcime. Kam pasur një marrëveshje me kryesinë e klubit që do të luftojmë për ekzistencë, por nuk kam dhënë asnjë lloj garancie. Dhe jam shumë i lumtur me këtë mënyrë të lojës. Fitorja është e madhe, por kemi bërë shumë gabime, edhe në pjesën e parë edhe në pjesën e dytë. Skuadra duhet të ketë edhe më shumë karakter. Nuk është me rëndësi se ku do të jem në të ardhmen. Kudo që kam shkuar e kam arritur qëllimin tim”, ka deklaruar Sokoli.
