Ndeshja mes Sociedadit dhe Salzburgut është mbyllur pa gola dhe i takoi Grupit D të “Championsit”.
Spanjollët kanë siguruar kalimin tutje pasi prijnë në grup me 11 pikë, me tri fitore e dy barazime. Po aq pikë ka edhe Interi, por me goldallim më të dobët. Salzburgu do të mundohet të vazhdojë në Ligën e Evropës nga vendi i tretë.
Aktualisht ka katër pikë, tri më shumë se Benfica e fundit. Në duelin e të mërkurës mbrëma që përfundoi 0:0, në bankën rezervë te austriakët ishte mesfushori shqiptar, Dijon Kameri.
