Kosova ka fituar në çastet e fundit në miqësoren ndaj Letonisë, 4 me 3.
Përfaqësuesja e Kosovës tri herë ishte në disavantazh, në ndeshjen që u zhvillua në “Adem Jashari” të Mitrovicës.
Kluskins realizoi i pari në minutën e 11-të, dy minuta para se Amir Rrahmani të barazonte gjithçka. Pjesa e parë u mbyll 2 me 2 me Sabalan që shënoi për mysafirët dhe Vedat Muriqin për Kosovën.
Në pjesën e dytë, Kluskins realizoi në minutën e 59-të për të kthyer epërsinë te mysafirët, para se Elbasan Rashani në minutën e 86-të dhe Besar Halimi në minutat shtesë të kthenin gjithçka për rezultatin përfundimtar, 4 me 3.
