Sulmuesi 22-vjeçar, Shkëlqim Vladi, ka vazhduar me formë të mirë te skuadra e kategorisë së dytë zvicerane, Aarau. Ai të premten shënoi dy gola në barazimin 2:2 në udhëtim me Schaffhausenin. Vladi tani i ka 11 gola në 12 paraqitje.
Milot Avdyli asistoi në golin e dytë të Vladit, ndërsa Bujar Lika kishte një asistim te Schaffhauseni.
Ndeshja i takoi xhiros së 22-të.
Aarau është i gjashti me 29 pikë, ndërsa Schaffhauseni i shtati me 27 pikë.
Lavdim Zumberi bëri dy asistime te Wili që fitoi 3:2 ndaj Xamaxit. Izer Aliu kishte një gol e një asistim te Xamaxi.
Lirik Vishi i Yverdonit kontribuoi me asistim në barazimin 2:2 me Vaduzin.
Edhe
Vladi synon Superligën e Zvicrës me Aaraun
Shqiptarët ishin protagonistë edhe në barazimin 1:1 të Thunit me Lausanne.
Alban Ajdini shënoi golin për mysafirët, ndërsa Valmir Matoshi asistoi te vendasit.
