Andriy Shevchenko nuk është më trajner i Genoas. Klubi italian ka shkarkuar trajnerin ukrainas, pas humbjes në Kupën e Italisë nga Milani.
“Genoa njofton se trajneri Andriy Shevchenko është liruar nga posti. Klubi falënderon trajnerin dhe stafin e tij për punën e vështirë të bërë muajt e fundit. Skuadra e parë do t’i besohet përkohësisht Abdoulay Konkos”, thuhet në njoftimin e klubit.
Trajneri 45-vjeçar udhëhoqi ekipin në 11 ndeshje që nga ardhja e tij më 7 nëntor. Ai fitoi një nga ato ndeshje, duke barazuar tre dhe duke humbur shtatë të tjerat.
