Organizatori i Kombëtares së Shqipërisë në basketboll, Robert Shestani është përforcimi më i ri te KB Vëllaznimi, ekip që bën gara në Superligën e Kosovës në basketboll. Skuadra nga Gjakova që këtë edicion është kthyer në elitë, të mërkurën e ka zyrtarizuar angazhimin e Shestanit në “Facebook”.
Shestani (187 cm), së fundi ka qenë pjesë e Vllaznisë së Shkodrës dhe ishte pjesë e Shqipërisë në ndeshjet e këtij muaji në kuadër të rrethit të parë parakualifikues për Botërorin 2023 kundër Portugalisë e Bjellorusisë. 27-vjeçari, pritet të debutojë me fanellën e Vëllaznimit këtë vikend në ndeshjen kampionale kundër Sigal Prishtinës. Pas pesë ndeshjeve të luajtura këtë sezon, Vëllaznimi zë vendin e gjashtë në tabelë me gjashtë pikë të tubuara. Ka një fitore dhe katër humbje.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo