Pesë futbollistë të Genoas që ishin prekur nga koronavirusi janë shëruar.
Klubi italian ishte goditur rëndë nga koronavirusi, pasi 17 futbollistë i kishin rezultuar pozitivë, transmeton KOHA.
Në një deklaratë të lëshuar sot Genoa ka konfirmuar se pesë lojtarë kanë rezultuar negativë në testimet e fundit.
Francesco Cassata, Domenico Criscito, Mattia Destro, Lukas Lerager dhe Davide Zappacosta janë futbollistët e shëruar.
Ata janë të gatshëm tani t’i bashkohen skuadrës në stërvitje.
Ditë më parë nga COVID-19 ishte shëruar edhe mesfushori Valon Behrami.
