Shembet një pjesë e tribunës në një stadium në Kili

Dy struktura të rënda metalike në një sektor të tribunës në “Monumental Stadium” në kryeqytetin e Kilit, Santiago, kanë lënë të lënduar të paktën katër tifozë të skuadrës Colo Colo.

Shembja e pjesës së tribunës u bë në seancën stërvitore të së premtes, kur një numër i madh shikuesish ishin mbledhur për ta përkrahur skuadrën e tyre.

Një numër i madh i tyre kanë kërcyer gjatë përkrahjes së skuadrës, dhe kjo mund të ketë ndikuar në shembjen e tribunës.

Nuk ka informacion zyrtar të numrit të të lënduarve.

Klubi e ndali stërvitjen dhe është kthyer në dhomat e zhveshjes së këtij stadiumi.