Sulmuesi Astrit Selmani është futbollist i lirë pasi të mërkurën ka shkëputur kontratën me skuadrën izraelite, Hapoel Beer Sheva.
Selmani u transferua te klubi izraelit në vitin 2022 nga Hammarby suedez. “Klubi njofton se është arritur marrëveshja me Astrit Selmanin për shkëputjen e kontratës.
E falënderojmë Astritin për këtë periudhë me fanellën e kuqe dhe i dëshirojmë fat në të ardhmen”, ka shkruar të mërkurën klubi izraelit.
Selmani vitin e kaluar ishte i huazuar te Goteborgu, që nuk e shfrytëzoi opsionin e blerjes së tij. Si i huazuar, Selmani në vitin e kaluar ishte edhe te Midtjyllandi i Danimarkës.
Selmani ka edhe pesë paraqitje me Kosovën dhe një gol të shënuar. Te skuadra izraelit ka shfaqur fare pak.
Artikuj të ngjashëm