NAC Breda ka shënuar fitore në udhëtim te Jong Ajaxi të premten mbrëma në kuadër të xhiros së 29-të të kategorisë së dytë të futbollit holandez.
Golin e fitores, mysafirët e shënuan në minutën e 58-të.
Asistues në golin e pikëve të plota ishte Patriot Sejdiu.
23-vjeçari, që është i huazuar nga Malmo deri në fund të edicionit, ka katër gola të shënuar e dy asistime në 16-të paraqitje.
Sejdiu luajti deri në minutën e 94-t.
NAC Breda ka 46 pikë në vendin e shtatë. Është në grupin që lufton për ngjitje në Eredivisie nëpërmjet plejofit.
