Sulmuesi i Borussia Dortmundit, Jadon Sancho, dhe futbollistët e tjerë të Bundesligës nuk do të përballen me dënime disiplinore pasi bënë thirrje kundër racizmit gjatë ndeshjeve në fundjavën që shkoi.
Sulmuesi i Anglisë, Sancho, e shfaqi një shkrim ndër fanellën e tij, “Drejtësi për George Floydin”, pasi shënoi gol kundër Paderbornit.
Floyd, një njeri i paarmatosur e me ngjyrë, vdiq më 25 maj gjatë arrestimit nga policia e Minneapolis. Një nga policët kishte shkelur për tetë minuta me gjurin e tij në qafën e Floydit dhe nuk kishte larguar gjurin ani pse afro-amerikani vazhdimisht kishte thënë se nuk po mund të marrë frymë.
Protesta të mëdha u bënë në Shtetet e Bashkuara të Amerikës dhe pjesë të tjera të botës po ashtu.
