Mbrojtësi i Chelseat, spanjolli Marcos Alonso nuk do të ulet më një njërin gju para ndeshjeve, në shenjë proteste kundër racizmit, sepse mbrojtësi i majtë beson se gjesti ka filluar “të humb pak forcë”.
Në vend të kësaj, Alonso do të tregojë një simbol kundër racizmit në fanellën e tij para fillimit të ndeshjes.
Klubet e Premier League filluan ta bëjnë gjestin kur sezoni 2019/20 rifilloi pas një ndërprerjeje tremujore për shkak të pandemisë koronavirus, në vazhdën e protestave për vrasjen e George Floyd në SHBA.
“Unë jam plotësisht kundër racizmit dhe jam kundër çdo lloj diskriminimi, dhe thjesht preferoj të vë gishtin në simbolin ku i thotë jo racizmit, siç bëjnë në disa sporte tjera në vende të tjera”, tha Alonso. Sulmuesi i Crystal Palacet, Wilfried Zaha u bë lojtari i parë i Premier League që vendosi të mos ulej në njërin gju në muajin mars.
Zaha shpjegoi arsyetimin për vendimin e tij se gjesti ishte “bërë pjesë e rutinës para ndeshjes” dhe bëri pak për të frenuar abuzimin racist. Alonso tha se nuk e ka diskutuar çështjen me shokët e tij të skuadrës.
-
Rrahmani proteston me shokë në përkrahje të Juan Jesusit
-
Lojtarët e Anglisë do të ulen në gjunjë para ndeshjes me Iranin
-
Nuk do të ketë më rënie në gju para ndeshjeve të Premier Leagues
-
Futbollistet ulen në njërin gju për të filluar epokën e re të aktivizmit olimpik
-
Bonucci lë të kuptohet se italianët nuk do të ulen në njërin gju