KB Rahoveci ka shënuar fitoren e tretë rresht në Superligën e Kosovës në basketboll.
Të shtunën Rahoveci mposhti Dritën me shifrat 112:59.
“Vreshtarët” e dominuan takimin nga fillimi e deri në fund duke mos iu rrezikuar asnjëherë fitorja. Te Rahoveci gjashtë basketbollistë e mbyllën ndeshjen me pikë dyshifrore.
Lojtari më i dalluar ishte Ivan Koljeviq me 19 pikë, nëntë asistime dhe pesë kërcime. U ndihmua edhe nga Makol Mawien që shtoi 13 pikë e 13 kërcime.
Te Drita u veçua Enis Morina me 12 pikë dhe 10 kërcime.
