Paris Saint-Germaini dhe Rennesi janë prej skuadrave të mëdha në Francë.
Skuadrat kanë rivalitet të madh, si në fushë, ashtu edhe në tribuna.
Pavarësisht dallimit me trofe të fituar, Rennesi shpeshherë i ka bërë problem skuadrës së PSG-së, për shkak të ndeshjeve të forta që i ka zhvilluar ndaj parisienëve.
Dueli i radhës PSG – Rennes do të zhvillohet të dielën nga ora 17:05 dhe i takon xhiros së 28-të të Ligue 1 të Francës.
Takimi i parë mes këtyre dy ekipeve është zhvilluar në vitin 1972 dhe që atëherë skuadrat kanë luajtur 49 ndeshje.
PSG-ja ka dominuar duke i fituar rreth 70% të ndeshjeve.
Trajneri i PSG-së, Christophe Galtier, do të ketë telashe në mbrojtje, pasi të lënduar janë Sergio Ramos, Marquinhos, Presnel Kimpembe dhe Achraf Hakimi.
PSG-ja është lider në Francë me 66 pikë. Ka 19 pikë më shumë se Rennesi.
Mbetet të shihet nëse tifozët e PSG-së do t’i vërshëllejnë Lionel Messit për pakënaqësi. Kështu të paktën kishin deklaruar disa liderë të tifozërisë së PSG-së ditë më parë.
Messi, fitues i Botërorit me Argjentinën, ka realizuar dhjetë gola e dhjetë asistime në 18 ndeshje të ligës në këtë edicion.